БЕСЛАН.РУ

Ног Бœтœхъойыхъœуы культурœйы артдзœст кœд нырма йœ дуœрттœ œрœджы байгом кодта, уœддœр дзы
цард, куыд фœзœгъынц, цœджджинагау фыцы. Мах, редакцийы кусджытœ, дœр хуынд уазджыты хыгъды
вœййœм арœх. Œрœджы коллективы иумœйаг архайды тыххœй лœмбынœг фыстам, ныр та газеткœсджыты
размœ нœ зœрды рахœссын ис, къорд боны разœй цы мадзал сарœзтой, уый.
Литературон изœр «Уарзон рœнхъытœ» тынг мидисджын рауад - байгом œй кодта Бедойты Кристинœ,кафджыты къорды разамонœг. Цыбыр разныхасы фœстœ методист Тыбылты Зœринœйœн радта дзырдыбар.
Уый фыццаджыдœр œрлœууыд Хетœгккаты Къостайы сфœлдыстадыл, загъта, ацы аз нœ республикœ кадджын уавœры
кœй сбœрœг кœндзœн Ирыстоныœрдхœрœны фырты 160 азы юбилей, стœй йын аив бакаст йœ литературон хъœздыг
бынтœй къорд œмдзœвгœйы. Кœй зœгъын œй хъœуы се’мхъœуккаг Ходы Камалы дœр рохуаты нœ ныууагътой
Культурœйы хœдзары разамонœг Берозты Римœ та йœ уарзон поэттœ Хаджеты Таймураз œмœ Касаты Батрадзы
œмдзœвгœтœ бакаст.
Скъоладзаутœ та радзырдтой, сывœллœттœн чи фыста, уыцы ирон œмœ уырыссаг поэтты рœнхъытœ, уыдонимœ
Цœрукъаты Валодя, Агния Барто, Самуил Маршак œмœ а.д. Сœхи активонœй бавдыстой œрыгон поэзиуарзджытœ
Таймазты Мœдинœ, Таймазты Алана, Базыраты Алина, Багаты Настя, Туаты Сœрмœт.
Литературон изœры кœрон ма уазджытœн клубы аивадон коллективтœ балœвар кодтой чысыл концерт. Ам œнœмœнг
арфœ ракœнын хъœуы акультурœйы артдзœсты кусджытœн. Мадзал бацœттœгœнœг Тыбылты Зœлинœйœн та - уœлдай
бузныг.

"ВЕСТНИК БЕСЛАНА"