БЕСЛАН.РУ

Абон бирœ дзырд цœуы Ирыстоны кувœндœтты тыххœй. Афтœ дœр зœгъынц, ма, дам, сœ
рœсугъд кœнут, сывœллœттœ œмœ сылгоймœгтœ хъуамœ ма цœуой табугœнœн бынœттœм
œмœ а.д. Мœнмœ уый раст нœ кœсы. Беслœны Уастырджийы кувœндоны августы фыццаг
хуыцаубоны нœ горœты цœрджытœ œрœмбырд вœййынц чысылœй-стырœй. Бынат дзы ис
сылгоймœгтœ œмœ сабитœн дœр. Стœй уый куыд раст у, сылгоймœгтœн сœ конд кувинœгтœй
аходœм, фœлœ сœ кувœндонмœ нœ уадзœм. Мах, кувœндоны Советы уœнгтœ, архайœм ацы бœстыхай
барœсугъд кœныныл, сарœзтам дзы Хуыцаумœ кувœн аив бынат. Дзœвгар куыст дзы уыдис, бирœ хъару хардзгонд дзы
œрцыд. Фœсивœд нœм фœкастысты, алы бон дœр зиуы архайдтой, боны ахаст нœ куы нœ хъыгдардта, уœд. Сœ
цœрœнбон бирœ, Хуыцауы хœрзтœй хайджын уœнт, Уастырджи сœ йœ рахиз базыры бын дарœд.
Абон ма мœ арфœ ракœнын фœнды иу œрыгон адœймагœн. Цœлыччы цœрœг Борыхъуаты Тасолтан барвœндонœй
œрвылбон œрбацœуы, нœ фарсмœ ‘рбалœууы. Лœппу йе ‘фсœддон хœс сœххœст кодта кад œмœ радимœ, каст фœци
Хœххон-металлургон университеты автомобилон факультет. Тамако œмœ карз нозтœй дард лидзы, куыд œй рахатыдтон,
афтœмœй. Œгъдауджын, суинаг, фœзминаг кœстœр. Бузныг ын зœгъын йœ ныййарджытœ Зœлинœ œмœ Русланœн,
ахœм лœппу чи схъомыл кодта. Рœдийынц, нœ фœсивœдмœ œгъдау œмœ œфсарм нœй, чи зœгъы, уыдон.

"ВЕСТНИК БЕСЛАНА"